Lexoni edhe:
Bebe Rexha në përkrahje të Dua Lipës: Jemi të dyja shqiptare
Dardha është një burim i shkëlqyer i fibrës
Dardha është një nga frutat më të shijshme dhe plot lëng, por edhe më të pasurat në vlera.
Dardha është një burim i shkëlqyer i fibrës, beta karotenit dhe vitaminave B.
Ajo përmban gjithashtu minerale të rëndësishme e të dobishme për shëndetin e njeriut.
Arsyet përse dardha është e dobishme për të humbur peshë
Sipas studimeve dardha është e mirë për humbje peshe sepse përmban shumë fibra, ka pak kalori, përmban shumë ujë dhe përmirëson tretjen.
Sipas studiuesve dardhat janë një burim i shkëlqyer i vitaminës C dhe fibrave.
Fibrat ju mbajnë të ngopur për shumë kohë dhe treten ngadalë.
Një dardhë mesatare përmban 6 gramë fibra ose 24% të nevojës ditore të fibrave për një grua nën moshën 50 vjeç.
Nga ana tjetër, një dardhë mesatare ofron 56 kalori, gjë që e bën atë jo vetëm një frutë përmbushës në aspektin e urisë por edhe aleat në objektivin e rënies nga pesha.
85% e përmbajtjes së dardhës është ujë, një aspekt tjetër i rëndësishëm që tregon se dardha është shumë e mirë për rënien nga pesha.
Fibrat dhe uji përmirësojnë tretjen dhe shmangin konstipacionin, duke eliminuar kështu fryrjen e pakëndshme të stomakut.
Njerëzit që hanë dardhë çdo ditë janë 35% më pak të rrezikuar nga mbipesha
Studimet e kohëve të fundit konfirmojnë se konsumi ditor i dardhës luan një rol të rëndësishëm në përpjekjet për të mbajtur peshën nën kontroll.
Të dhënat e një studimi të kryer nga Universiteti Shtetëror i Luizianës ka zbuluar se njerëzit që hanë dardhë çdo ditë janë 35% më pak të rrezikuar nga obeziteti dhe mbipesha.
Ky zbulim i atribuohet faktit se dardha është e pasur me fibra, vitaminë C, magnez, bakër dhe kalium.
Veç kësaj, dardha është një frutë që ul rrezikun e vdekshmërisë nga sëmundjet kardiovaskulare dhe që pastron organizmin nga toksinat.
(Kosova Sot Online)
