Lexoni edhe:
Rubi flet për marrëdhëniet e saj: Më gënjyen e më tradhtuan
Ja pse shalqiri është i shëndetshëm në ditët me vapë
Fruti i kuq, shalqiri – i adhuruari i të gjithëve, kryesisht ka përmbajtje të ujit rreth 92%.
Por kjo nuk është e gjitha, ky frut përmban vlera tejet ushqyese dhe vitaminoze.
Çdo copëz e tij e ngrënjes, ka nivel të konsiderueshëm të vitaminave A, B6 dhe C.
Shalqiri përmban poashtu shumë antioksidantë dhe aminoacide, duke mos anashkaluar edhe një sasi modeste të kaliumit.
Të shijohet gjatë ditëve të nxehta, është më se e domosdoshme pasi që është freskues dhe nuk ka përmbajtje të yndyrërave dhe ka vetëm 40 kalori, njofton Klan Kosova.
Sipas Organizatës Botërore të Shëndetësisë, niveli më i lartë i vitaminave gjendet në shalqi dhe kjo zakonisht ndodh gjithnjë tek pemët dhe perimet e kuqe.
Diçka e tillë është më se e rëndësishme ngase i sjell trupit reaksione të shëndetshme, shkruan Livescience.com.
Shalqiri përmban gjithashtu edhe komponentin likopenë, që i sjell ngjyrë të kuqe frutave.
Likopena, është tejet e nevojshme për shëndetin e zemrës, shëndetin e kockave dhe është parandalues i kancerit të prostatës.
Ky frut i verës, është burim i shkëlqyer i kaliumit dhe është i pasur me antioksidantë që janë të efektshëm në parandalimin e kancerit në zorrën e trashë në gjinj apo mushkëri.
Por qëndron edhe një sekret tjetër që shalqiri i sjell shëndet organizmit të njeriut.
Më konkretisht, sekreti qëndron edhe tek farat e këtij fruti të verës, ngase janë të pasuruara me substanca ushqyese, kripëra minerale si dhe hekur dhe magnez.
Ato përmbajnë vitamina të grupit B dhe acide yndyrore të pangopura të cilat janë të domosdoshme për të larguar kolesterolin e keq
(Kosova Sot Online)
