Lexoni edhe:
Angelina Jolie zbulon për herë të parë sekretin
Hudhra konsiderohet një nga ushqimet më të shëndetshme
Hudhra konsiderohet një nga ushqimet më të shëndetshme, duke ofruar një gamë të gjerë përfitimesh për organizmin. Ajo mund të ndihmojë në uljen e tensionit të gjakut dhe kolesterolit, mbrojt nga viruset, dhe përforcon sistemin imunitar, ndër të tjera.
Ky “superushqim” është i pasur me vitamina C dhe B6, si dhe me minerale si mangan dhe selen, të cilat janë të nevojshme për funksione jetësore, përfshirë forcimin e kockave, prodhimin e kolagjenit, shëndetin e tiroides dhe mbrojtjen e sistemit imunitar.
Përfitimet kryesore i atribuohen allicinës, një përbërës i pasur me squfur që i jep hudhrës aromën karakteristike. Alexa Mullane për Daily Mail tha se allicina ka veti antimikrobike, antioksiduese dhe anti-inflamatore.
“Allicina mbështet funksionin imunitar duke luftuar bakteret (përfshirë llojet rezistente ndaj ilaçeve), viruset, kërpudhat dhe parazitët. Gjithashtu mund të përmirësojë shëndetin kardiovaskular. Studimet kanë treguar përmirësime modeste në presionin e gjakut dhe nivelet e kolesterolit me konsumimin e hudhrës. Komponimet e pasura me squfur ndihmojnë edhe në detoksifikimin e mëlçisë”, tha ajo.
Hudhra ka një histori të gjatë, duke u kultivuar dhe konsumuar për rreth 6,000 vjet. Ajo ka origjinën në Azinë Qendrore dhe është përhapur më pas në Lindjen e Mesme, Mesdhe dhe më gjerë në botë.
(Kosova Sot Online)
