Tre lojtarë i bashkohen stërvitjes së kombëtares (Foto)
Tre lojtarë të tjerë i janë bashkuar sot stërvitjes së kombëtares shqiptare.
Bëhet fjalë për Taulant Xhakën dhe Naser Alijin që luajnë te Bazeli dhe Armando Sadikun që luan te Vaduzi.
Lojtarët e kampionatit zviceran nuk kanë mundur të zhvillojnë seancën e 6-të stërvitore dhe janë akomoduar në hotel ndërkohë që kuqezinjtë e tjerë vijojnë stërvitjen.
Në orët e pasdites ekipit të De Biazit pritet t’i bashkohet dhe Ansi Agolli, që u shpall dje kampion i Kupës së Azerbajxhanit. Tekniku italian ka për momentin 24 lojtarë në stërvitje, ndërkohë që nesër pritet të largohet Memushaj që ka angazhime me Pescarën në Itali.
(Kosova Sot)