E keni dëgjuar shprehjen: “E ka shky golin”. Këtë e bën realitet Vedat Muriqi
Vedat Muriqi e ka realizuar një gol karakteristik në humbjen e Rizesporit 2:7 ndaj Besiktasit. Sulmuesi kosovar e shqeu rrjetën me golin e shënuar në kampionatin turk
Shpesh e kemi dëgjuar shprehjen: “E ka shky golin”, ose: “E ka shky rrjeten”.
E këtë shprehje në realitet e ka kthyer të hënën mbrëma sulmuesi kosovar, Vedat Muriqi.
Në fakt, përfaqësuesi kosovar ka realizuar gol në humbjen e Rizesporit me rezultat 2:7 nga Besiktasi.
Por, e veçanta e golit të sulmuesit prizrenas ishte se kur shënoi ai, topi përfundoi në portë dhe më pas u shqye rrjeta dhe topi doli jashtë.
Sigurisht, goli atij iu pranua, por më pas punëtorëve të stadiumit iu doli punë ta riparonin rrjetën e shqyer.
Goli i Muriqit ka bërë bujë në rrjetet sociale më shumë se fitorja e thellë e Besiktasit.
(Kosova Sot)