Ish-futbollistit të Kombëtares së Kosovës i jep “shkollë” gruaja e tij, ish-kampione e botës
Ish-futbollisti i Kosovës, Enis Alushi është vënë në vështirësi teksa është përballur një kundër një në oborr të shtëpisë me gruan e tij, Lira Alushi, ish-kampione e botës me Gjermaninë
Enis Alushi është përballur me lojtarë të mëdhenj gjatë karrierës.
Por, së fundmi ai e ka provuar sfidën më të vështirë të jetës, përballjen me gruan e tij.
Fatmire “Lira” Alushi i ka dhënë shkollë të futbollit bashkëshortit të saj, me të cilin është ballafaquar një kundër një në oborrin e shtëpisë.
“Lira”, e cila ishte shpallur kampione e botës më shumë se 10 vjet më parë me Gjermaninë dhe ishte futur në mesin e tri futbollisteve më të mira të botës, i ka treguar shkathtësitë e saj duke e vënë në vështirësi ish-futbollistin e Përfaqësueses së Kosovës.
Dikur Fatmire Bajramaj, tash Alushi, është njëra prej futbollisteve më të mira shqiptare në histori.
Ajo e la herët karrierën pasi u bë nënë dhe vendosi t’i përkushtohej tërësisht familjes.
(Kosova Sot)