Kroos e tall Ronaldon: Sikur të ishe ulur në mua
Mesfushori gjerman i Real Madridit, Toni Kroos, e ka tallur ish-bashkëlojtarin e tij, tani në Juventus, Cristiano Ronaldon, përderisa ishte i ftuar në një televizion gjerman.
Fituesi i Kupës së Botës me Gjermanisë dhe katër-herë fituesi i Ligës së Kampionëve u paraqit në emisionin “Late Night Berlin”. Në këtë emision, të ftuarit lënë komente qesharake nga llogaritë e tyre personalë në fotot e të famshmëve të tjerë në Instagram.
Kroosi iu bashkua kësaj iniciative me shumë dëshirë, pas motivimit edhe nga prezantuesi Klaas Heufer-Unlauf. Ish-bashkëlojtari i tij në Real Madrid, Cristiano Ronaldo, ishte i pari që pësoi nga komentet e Kroosit.
Portugezi, pesë-herë fitues i Topit të Artë, është njeriu më i ndjekur në rrjetin social Instagram dhe ai vazhdimisht ndan me ndjekësit e tij fotografi nga jeta e përditshme.
Një foto në veçanti e kapi vëmendjen e Kroosit gjatë kohës sa ishte i ftuar në televizionin gjerman.
Në fotografinë ku Ronaldo shihej i ulur vetëm me pantallona të shkurtë mbi një gur, Kroosi i komentoi: “Sikur të isha unë guri”.
Ronaldo tani po e vazhdon karrierën e tij me Juventusin në Serie A, ndërsa Kroosi është ende në Real Madrid.
(Kosova Sot Online)
