Ndalet Roma, rrezikon Ligën e Kampionëve

  • 18 maj 2019 - 22:34
Ndalet Roma, rrezikon Ligën e Kampionëve

Roma ka zhgënjyer në javën e 37-të në Serie A, duke barazuar pa gola me Sassuolon, e që e ka vënë në rrezik edhe kualifikimin për në Ligën e Kampionëve.

Romakët e filluan ndeshjen mirë, duke krijuar disa shanse për gol, por Sassuolo ishte një arrë e fortë për ta.

Pjesa e parë ishte në duart Romës, por në të dytën gjërat ndryshuan, pasi skuadra vendase e mori kontrollin e lojës, duke i bërë presion më shumë romakëve.

Sassuolo kishte më shumë posedimin e topit në pjesën e dytë, duke krijuar edhe mbi nëntë raste për gol, nga të cilat tri përfunduan në kornizën e portës.

Pas xhiros së 37-të, Roma gjendet në vendin e pestë me 63 pikë, ndërsa në javën e fundit do të përballet me Parmën, e që do të jetë tejet e vështirë për t’u futur në Ligën e Kampionëve, pasi ka konkurrencë nga Milani dhe Atalanta.

Fati i romakëve pritet të vendoset nesër, pasi Rossonerët do të përballet me Frosinonen, ndërsa Atalanta do të udhëtojë te Juventusi.

(Kosova Sot Online)