Dy finalistët e Championsit në listën e ngushtë të Barcelonës
Divock Origi e Fernando Llorente janë futur në listën e ngushtë të dëshirave të Barcelonës për sezonin e ardhshëm. Ata shihen si zëvendësues idealë të Luis Suarezit
Barcelona është në kërkim të një sulmuesi për sezonin e ardhshëm. Kevin Prince Boateng nuk la shenja në Camp Nou dhe pritet të largohet pas gjysmë sezoni të kaluar aty.
E tash, gjiganti katalunas po planifikon ta gjejë një zëvendësues ideal për Luis Suarezin.
Sulmuesi i Liverpoolit, Divock Origi dhe ai i Tottenhamit, Fernando Llorente janë futur në listën e ngushtë për këtë verë, shkruan e përditshmja spanjolle, Mundo Deportivo.
Mirëpo, objektivi më i madh i kampionit spanjoll është Antoine Griezmann, i cili e ka konfirmuar largimin nga Atletico Madridi.
(Kosova Sot Online)