Zyrtare: Prishtina e largon Abdul Bashirun
Abdul Bashiru është larguar nga Prishtina, pasi klubi bardhekaltër ia ka ndërprerë kontratën të dielën.
Nënkampionia e Kosovës njoftoi në uebsajtin e klubit se ia ka ndërprerë kontratën mbrojtësit të majtë Bashiru me marrëveshje.
“Me iniciativë të klubit, me marrëveshje, është ndërprerë kontrata me mbrojtësin e majtë, ganezin, Abdul Bashiru”, thuhet në njoftim të Prishtinës.
27-vjeçari iu bashkua klubit nga kryeqyteti në verën e vitit 2017 nga Dreams FC.
Ganezi i ka zhvilluar 71 ndeshje me Prishtinën, duke dhënë një asist.
(Kosova Sot Online)