Statistikat e golave të shënuara nga kosovarët në Serie A

Një përdorues në Reddit i ka grumbulluar të gjitha të dhënat në uebasjtin ndërkombëtar sportiv Transfermarkt dhe i ka publikuar statistikat e golashënuesve më të mirë në Serie A, ndarë në bazë të vendit të origjinës.

Në mesin e vendeve që shfaqen për kontributin e sportistëve në Serie A është edhe Kosova dhe Shqipëria. Për të dyja vendet, si golashënuesi më i mirë konsiderohet ish-futbollisti Riza Lushta, transmeton Gazeta Express.

Sipas të dhënave të Transfermarkt, katër futbollistë të Kosovës kanë luajtur në Serie A dhe ata kanë kontribuar me gjithsej 75 gola. Të gjitha këto gola janë shënuar nga pikërisht mitrovicasi Lushta.

Në anën tjetër, futbollistët nga Shqipëria kanë traditë më të gjatë në Serie A. Trasnsfermarkt tregon se 14 futbollistë kanë shënuar gola në ligën e nivelit të parë të futbollit në Itali dhe kanë kontribuar me 202 gola. Golashënuesi më i mirë është regjistruar Lushta edhe për Shqipërinë.

(Kosova Sot Online )