Khediran e duan plot klube, ai e pëlqen Arsenalin
Sami Khedira pritet të largohet nga Juventusi gjatë kësaj vere pasi nuk e sheh veten në planet e trajnerit Maurizio Sarri. Mesfushori gjerman po e pëlqen interesimin e Arsenalit
Sami Khedira nuk është në planet e Juventusit dhe pritet të largohet nga Torino gjatë kësaj vere.
Mesfushori gjerman po pëlqehet nga klube të njohura evropiane, ndërsa Arsenali shihet si një destinacion potencial për futbollistin.
Lajmin e ka bërë të ditur Gianlucadimarzio.com.
32 vjeçari po ashtu kërkohet nga Fiorentina dhe Valencia, ndërsa Wolverhamptoni po ashtu ka kërkuar informata për përfaqësuesin gjerman.
Juventusi është i hapur për shitjen e disa futbollistëve gjatë kësaj vere, ndërsa Khedira duket të jetë njëri prej tyre.
Prej krejt klubeve, Khedira është më i interesuar t’ju bashkohet Gunners.
Ish-futbollisti i Real Madridit i zhvilloi vetëm 10 ndeshje në Serie A sezonin e kaluar, duke e përshkuar lëndimet dhe mungesa e hapësirave.
(Kosova Sot Online )