Shtohet lista e të lënduarve në skuadrën e Real Madridit
Listës së lojtarëve të lënduar në skuadrën e Real Madridit i është shtuar edhe blerja e verës, sulmuesi Luka Jovic.
Jovic u detyrua ta braktisë ndeshjen e së premtes mbrëma, që Reali e humbi 7:3 nga rivali Atletico Madridi, për shkak të një lëndimi në nyjën e këmbës.
Sulmuesi serb u përplas me portierin e Atleticos, Jan Oblak, në minutën e 24-të në ndeshjen e turneut miqësor, International Champions Cup.
Jovic u duk se vuajti shumë nga dhimbja e dëmtimit në kyçin e këmbës, prandaj mund edhe të mungojë gjatë.
Përveç Jovicit, edhe Brahim Diaz, Marco Asensio dhe Ferland Mendy janë lënduar në përgatitjet parasezonale të Realit.
(Kosova Sot Online)