Man Utd duhet t’i paguajë 100 milionë euro për Maguiren
Leicester City e ka vendosur çmimin për qendërmbrojtësin e tij
Manchester Unitedi është më i vendosur se kurrë për ta transferuar Harry Maguire.
Mirëpo, “Djajtë e Kuq” duhet ta bëjnë ofertën e duhur për ta bindur Leicester Cityn që t’ua shesë atyre yllin e vetë.
Ish-kampioni i Anglisë e vlerëson qendërmbrojtësin stabil plot 100 milionë euro.
Sipas të përditshmes britanike “Telegraph”, Maguire dëshiron të transferohet në “Old Trafford” dhe mezi e pret marrëveshjen në mes të dy klubeve.
Nëse transferohet në Manchester, Maguire do të bëhej mbrojtësi më i shtrenjtë në histori.
Ai ishte njëri prej mbrojtësve më stabilë të Premierligës viteve të fundit.
(Kosova Sot Online)