Kjo është marrëveshja e Balotellit me Brescian

  • 14 gusht 2019 - 17:27
Kjo është marrëveshja e Balotellit me Brescian

Sulmuesi i Italisë, Mario Balotelli do të fitojë një pagë prej 1-2 milionë euro të Brescia, por ajo mund të rritet me bonuse.

Brescia pritet që të nënshkruaj me Balotellin si transfer i lirë, pasi që 29 vjeçari ka refuzuar Flamengon dhe dëshiron të rri në shtëpi.

Uebfaqja e gazetarit të njohur Gianluca Di Marzio ka shkruar se Balotelli do të nënshkruaj kontratë me vlerë 1 milionë euro në sezon, e cila mund të arrij në tre milionë euro me bonuse.

Sportitalia, ka shkruar se ish sulmuesi i Interit dhe Milanit do të fitojë 2 milionë mesatarisht në sezonin, plus 1.5 milionë nëse Rondinelle arrin shpejtë që ta sigurojnë mbijetesën në Serie A.

Në këtë rast, kjo është një rënie e madhe në krahasim me shumën e raportuar, 4 milionë euro që ai ka marrë në Olympique Marseille gjashtë muaj më parë, përderisa Flamengo është thënë se ia ka ofruar të njëjtën shumë.

(Kosova Sot Online)