Çekia publikon listën anti-Kosovë
Kombëtarja e Çekisë e ka publikuar sot listën e futbollistëve të ftuar për ndeshjen e 7 shtatorit ndaj Kosovës, e vlefshme për kualifikimet e Euro 2020.
Republika Çeke e ka publikuar sot listën e futbollistëve të ftuar për ndeshjet e shtatorit, në kuadër të kualifikimeve për Euro 2020.
Çekët do të luajnë më 7 shtator më Kosovën dhe më pas, pas tri ditësh do të përballen me Malin e Zi në këto eliminatore.
Dueli ndërmjet Kosovës dhe Çekisë do të luhet në stadiumin “Fadil Vokrri” në Prishtinë, të shtunën e 7 shtatorit, duke filluar nga ora 15:00.
Në listën e Republikës Çeke janë përfshirë 19 futbollistë, ndërsa në ditët në vazhdim mund të rritet kjo listë.
Nga ana tjetër, trajneri i Kosovës, Bernard Challandes nuk e ka publikuar ende listën e futbollistëve.
“Dardanët” do të jenë të hendikepuar për ndeshjet e shtatorit pasi iu mungojnë disa lojtarë të rëndësishëm.
Aktualisht, në Grupin A prijnë Anglina dhe Republika Çeke me nga 6 pikë, kurse Kosova i ka grumbulluar 5.
(Kosova Sot Online)