Van Dijk arrin në Milano: “Do të shohim kush do ta fitojë çmimin The Best”

Edhe Van Dijk tashmë ndodhet në Milano.

Ai është i nominuar për çmimin e Lojtarit më të mirë të Vitit, The Best, së bashku me Lionel Messin dhe Cristiano Ronaldon.

Mbrojtësi i Liverpoolit gjithashtu pritet të jetë edhe në 11-shen e ëndrrave, në formacionin e vitit.

“Është e veçantë të jesh këtu”, tha Van Dijk për “Liverpoolfc.com” menjëherë pas mbërritjes në Itali. “Do të shohim se çfarë do të ndodhë”.

“Është padyshim e mahnitshme të vlerësohesh për sezonin që kishim të gjithë vitin e kaluar, përfshirë edhe me vendin tim. Të jem këtu është diçka për të cilën jam padyshim krenar, do ta shijoj këtë mbrëmje. Do të shohim se kush do të marrë atë trofe”.

(Kosova Sot Online)