Reali e do Pochettinon për sezonin tjetër
“Los Blancos” janë në kërkim të pasardhësit të trajnerit aktual, Zinedine Zidane për sezonin e ardhshëm.
Real Madridi po mendon qysh tash për sezonin e ardhshëm.
Gjiganti spanjoll nuk beson se do ta vazhdojë shumë gjatë bashkëpunimin e dytë me Zinedine Zidanen.
Prandaj, mediat angleze shkruajnë se presidenti Florentino Perez është duke i shikuar alternativat.
Prioritet i “Los Blancos” është trajneri aktual i Tottenhamit, Mauricio Pochettino.
Trajneri argjentinas u shpall nënkampion i Evropës me klubin anglez dhe është bërë objektiv i klubeve të mëdha.
Paraprakisht, në janar Reali po mendon të nënshkruajë para-kontratë me Christian Eriksenin.
E më pas, gjatë verës, ta bind edhe trajnerin Pochettino të zbarkojë në “Santiago Bernabeu”.
Opsione të tjera të Realit për trajner janë edhe Xabi Alonso, por edhe Jose Mourinho.
(Kosova Sot Online)