Kosova e shpartallon Malin e Zi në stadiumin 'Fadil Vokrri'

14 October 2019 - 22:35

Përfaqësuesja e Kosovës në futboll edhe njëherë e ka dëshmuar vetën se është e pamposhtur në stadiumin "Fadil Vokrri, shkruan gazeta "Kosova Sot Online".

Kosova e ka shpartalluar Malin e Zi me rezultat 2 me 0.

Ishte Amir Rrahmani i pari që shënoj gol për të kaluar Kosovën në epërsi.

Tutje e vijoi Vedat Muriqi e cili e dyfishoj rezultatin.

Pjesa e parë përfundoj me rezultat 2 me 0 për Kosovën.

Megjithëse patën shumë raste për të shënuar lojtarët e përfaqësueses së Kosovës nuk arritën t'i konkretizionin.

Në fund tejet e rëndësishme fitorja e Kosovës kundrejt Malit të Zi me rezultat 2 me 0 për kualifikim, duke mos harruar as spektaklin që dhuroj sonte publiku i pranishëm në stadium.

Deri në fund të kualifikimeve, Kosova luan me Çekinë e Anglinë në dy ndeshjet vendimtare për kualifikim.

Aktualisht, grupit i prin Anglia me 15 pikë. Çekia është e dytë me 12 pikë, ndërsa Kosova e treta me 11 pikë. Mali i Zi e Bullgaria janë në fund me nga tri pikë.

Më 14 nëntor, Kosova luan ndaj Çekisë si mysafire, tre ditë para se të presë Anglinë në “Fadil Vokrri”.