Vasquez pritet të largohet në janar nga Real Madridi
laLucas Vasquez po i numëron ditët e fundit si futbollist i Real Madridit.
Sulmuesi spanjoll ka humbur vendin e titullarit dhe nuk po luan shumë nën drejtimin e teknikut Zinedine Zidane. Kjo ka bërë që ai të mendojë largimin nga Santiago Bernabeu për të gjetur një skuadër ku luan rregullisht.
E ardhmja e spanjollit pritet të jetë në kampionatin anglez ose në atë gjerman.Bayer Leverkusen dhe Schalke 04 janë dy ekipet e njohura gjermane që kanë shprehur interesim për lojtarin.
Ndërkohë në Ishull, Arsenali vazhdon prej kohësh duke e kërkuar atë, por duket se vetëm tani ka mundësi ta transferojë.
28-vjeçari ka kontratë me Los Blancos deri në qershor të vitit 2021, ndërsa mund të largohet për një shumë rreth 30 milionë euro.
(Kosova Sot Online )