Kovaç i vetëdijshëm se mund të shkarkohet nga Bayerni

Bayern Munich ka pësuar një humbje turpëruese në udhëtim te Eintracht Frankfurt 5-1.

Kampioni në fuqi i Gjermanisë kësisoj ka zbritur në pozitën e katërt në tabelë me katër pikë më pak se lideri Borussia Moenchegldabach.

E humbja ndaj Frankfurtit mund t’i kushtojë me shkarkim trajnerit aktual të Bayernit, Niko Kovac. 

Kroati për këtë është i vetëdijshëm dhe ka thënë se nuk e di nëse do të jetë trajner i Bayernit.

“Nuk mund të them asgjë për të ardhmen time. Ajo çfarë mendoj unë nuk ka shumë rëndësi në këto momente”.

“Ju (gazetarët) duhet të pyesni ata persona që janë përgjegjës për emërimin e trajnerëve, jo mua”, deklaroi Kovaç.

Edhe para kësaj humbje, mediat gjermane kishin raportuar se Kovac mund të shkarkohet pasi drejtuesit nuk janë të kënaqur me lojën e Bayernit edhe kur fiton.

(Kosova Sot Online)