Vinicius përgëzon Rodrygon, shokët ia nënshkruajnë topin pas het-trikut n’Champions
Rodrygo është njeriu i momentit te Real Madridi.
Talenti 18-vjeçar brazilian ka realizuar het-trik në Champion League në fitoren 6-0 të Real Madridit kundër Galatasaray, raporton Gazeta Express.
Pas ndeshjes, ai mori me vete topin të nënshkruar nga të gjithë shokët e skuadrës.
Rodrygo me topin e nënshkruar pas het-trikut në Champions League
Në dhomat e zhveshjes ishte edhe Vinicius Junior, të cilit tani për tani, ia ka zënë vendin në formacion dhe Zinedine Zidane po i beson atij më shumë.
Vini, që e ka mik të mirë Rodrygon, e përgëzoi në dhomat e zhveshjes, ashtu si i gjithë ekipi.
Bie në sy shakaja e Eden Hazard, që i thotë ‘vetëm tre ë, po katër?”, Rodrygo ia kthen ‘edhe tre është ok’.
Ky ishte goli i pestë në gjashtë ndeshje me Realin për 18-vjeçarin.
(Kosova Sot Online)