Inter Miami e do Modricin
Mesfushori kroat mund ta vazhdojë karrierën në kampionatin amerikan të futbollit – MLS
Ky mund të jetë sezoni i fundit i Luka Modricit në futbollin evropian.
Mesfushori kroat ka luajtur me sukses në dekadën e fundit në Tottenham dhe Real Madrid, ku ka fituar thuajse gjithçka.
Nënkampioni i botës me Kroacinë pritet të largohet nga “Los Blancos”, gjatë janarit apo verës së ardhshme.
Veteranin e mesfushës e duan në Itali, Interi dhe Milani, por së fundmi e ka marrë një oferta nga përtej Atlantikut.
Programi “El Chiringuito” shkruan se ekipi nga kampionati amerikan i futbollit – MLS, Inter Miami e do Modricin për sezonin e ardhshëm.
Mbetet të shihet nëse përfaqësuesi kroat dëshiron të qëndrojë ende në futbollin evropian apo jo.
(Kosova Sot Online)