Shorti për play-offs, ku merr pjesë edhe Kosova, huton tifozët
Shorti që do të mbahet sot në orën 12:00 për fazën e play-offs kualifikues për Kampionatin Evropianin, ku Kosova dhe 15 Kombëtare e siguruan vendin përmes Ligës së Kombeve, i ka lënë shumë tifozë të futbollit hutuar.
Përderisa shorti për play-offs do të mbahet sot, shorti për fazën e grupeve të EURO 2020 do të mbahet më 30 dhjetor. Tashmë dihen 20 nga 24 Kombëtaret që janë kualifikuar në EURO, ndërsa katër të tjera do ta zënë vendin përmes play-offs dhe në mesin e tyre shpreson të jetë edhe Kosova.
Ky short dhe formati i ri i UEFA-s i ka lënë shumë tifozë të hutuar, ndërsa mediumi France 24 shkruan se problemet kryesore sipas tifozëve janë këto:
– Fakti se fituesit e play-offs nuk do të dihen deri vetëm dy muaj e gjysmë para se fillojë Kampionati Evropian më 12 qershor, përderisa Belgjika tashmë i ki dy kundërshtare të veta dhe mund t’i fillojë përgatitjet qysh tani.
– Emocionet që zakonisht i ndjekin shortet janë zvogëluar këtë herë, si në rastin e Belgjikës, pasi që vendet nikoqire do t’i luajnë ndeshjet në shtëpi dhe disa ekipe duhet të mbahen larg njëra-tjetrës për arsye gjeopolitke.
-Ukraina dhe Rusia s’mund të përballen me njëra-tjetrën shkaku i konfliktit në pjesën lindore të Ukrainës. Kjo bën që Belgjika tashmë ta dijë se do të përballet me Rusinë dhe Danimarkën, të cilat do të luajnë ndeshje në shtëpi.
– Kjo bëri që Kevin de Bruyne ta quajë formatin e EURO 2020 skandal, përderisa trjaneri i Holandës Ronald Koeman, i cili tashmë e di se skuadra e tij do të përballet në Grupin C me Ukrainën, i kërkoi Federatës holandeze të mos udhëtojë në shortin që do të mbahet më 30 nëntor.
Kosova e Bernard Challandes e humbi shansin e parë për ta siguruar kualifikimin në Kampionatin Evropian 2020, pasi nuk arriti të zërë vendin e parë apo të dytë në Grupin A, duke mbetur e treta, pas Anglisë dhe Çekisë.
Megjithatë, Verdhekaltrit e kanë edhe një mundësi të dytë për ta zënë një vend në EURO 2020 – përmes fazës së play-offs kualifikues për Evropian, ku e zuri një vend pasi e fitoi Grupin D3 të Ligës së Kombeve.
Rivale të Kosovës në këtë play-off janë tri Kombëtaret e tjera që i fituan grupet e tyre përkatëse në Ligën D të Ligës së Kombeve – Maqedonia, Gjeorgjia dhe Bjellorusia.
Pasi që Maqedonia shfaqi formë më të mirë në grupin e vet, Kosova do të luajë si mysafire në gjysmëfinalen e play-offs. Nëse arrin ta mposhtë Maqedoninë, atëherë do të përballet në finalen e madhe me Gjeorgjinë ose Bjellorusinë për ta zënë një vend në EURO.
Se a do të luajë në këtë finale të madhe si vendase apo si mysafire do të varet nga shorti që do të mbahet sot në orën 12:00. Kosova do të shpresojë që ta ketë mundësinë ta luajë këtë ndeshje në “Fadil Vokrri” për ta pasur epërsinë e të qenët vendas.
Kosova do ta zhvillojë gjysmëfinalen me Maqedoninë më 26 mars të vitit 2020, ndërsa finalja do të mbahet më 31 mars. Nëse e arrin kualifikimin, Kosova do të luajë në Kampionatin Evropian për herë të parë në histori.
Ky Evropian do të zhvillohet në 12 qytete të ndryshme rreth e përqark Evropës nga 12 qershori deri më 12 korrik të vitit 2020.
(Kosova Sot Online)
