Ibrahimovic: Prita katër vjet për ta bërë Materazzin për spital
Zlatan Ibrahimovic ka thënë se ai kishte pritur katër vjet për t’iu hakmarrë mbrojtësit të Interit, Marco Materazzit, të cilin e bëri për spital gjatë një derbi mes Interit dhe Milanit.
Pasi ishte trajtuar në mënyrë të ashpër nga Marco Materazzit gjatë kohës sa ishte në Juventus, Zlatan Ibrahimovic nuk e harroi kurrë incidentin dhe, në një intervistë të dhënë për GQ, ka zbuluar se si ishte hakmarrë, transmeton Gazeta Express.
“Isha në Juventus dhe ne po luanim kundër Interit. Materazzi ma bëri një ndërhyrje si vrasës dhe më lëndoi. Ai ishte lojtar i ashpër, por kjo është në rregull. Por janë dy mënyra se si mund të jesh i ashpër, njëra prej tyre është ta kesh qëllim ta lëndosh tjetrin. Edhe Maldini ishte i ashpër, por ai kishte synim tjetër”, ka thënë Ibrahimovic.
“Ishte ndeshja mes Juventusit në vitin 2016 dhe pas ndërhyrjes unë u detyrova të dal nga fusha për një moment dhe trajneri Fabio Capello më tha: “Do të të zëvendësoj”. Unë i thashë se jo dhe se dua të vazhdoj”.
“Unë doja të kthehesha në fushë për t’iu hakmarrë atij. Nëse dikush më bën diçka të atillë, unë nuk e harroj. Por, pas dy minutave, unë kisha aq shumë dhimbje saqë s’mund të vazhdoja. Pastaj shkova në Inter, Barcelona, Milan…”
“Në ndeshjen e parë, derbin në 2010/12, ata ishin të gjithë kundër meje. Në rregull, kjo më motivoi. Por, nëse nuk e kontrollon, nuk është një gjë e mirë. Ti e humb kontrollin dhe mund të bësh ndonjë budallallëk. Unë e fitova një penallti dhe kush më ndërhyri? Materazzi. 1:0 për Milanin”.
“Në pjesën e dytë, ai po vinte drejt meje dhe unë e godita me një lëvizje të Taekwondos, e dërgova në spital. Dejan Stankovic më pyeti: “Pse e bërë atë?” dhe unë i thashë: “Kam qenë duke e pritur këtë moment që katër vjet. Ja pse e bëra”. Pastaj u largova”.
Ylli suedez do ta zbulojë destinacionin e tij të ri në mes të dhjetorit, pasi e konfirmoi se i ka ndarë rrugët me klubin amerikan LA Galaxy. Ai raportohet se ka arritur marrëveshje për t’u kthyer te kuqezinjtë nga Milano.
(Kosova Sot Online )
