Beckham, i vendosur ta transferojë Cavanin
Sulmuesi uruguaian po e kalon vitin e fundit të kontratës me Paris Saint-Germainin, me të cilin pritet të ndahet gjatë verës që vjen
David Beckham është duke shpresuar ende që ta bindë Edinson Cavanin të transferohet në ekipin Inter Miami.
Lajmin e ka bërë të ditur tabloidi britanik “Daily Star”.
Sulmuesi uruguaian është duke e kaluar vitin e fundit të kontratës me Paris Saint-Germainit.
Ai pritej të largohej nga kampioni francez në afatin kalimtar të janarit, por kërkesa e PSG-së ishte e lartë.
Prandaj, gjatë verës ish-futbollisti i Palermos e Napolit do të largohet nga klubi nga Ligue 1 dhe ka ofertë nga Atletico Madridi e Manchester Unitedi.
Sidoqoftë, e ardhmja e futbollistit jug-amerikan mund të jetë përtej Atlantikut, ku e do klubi amerikan, i cili është në pronësi të ish-futbollistit anglez, Beckham.
(Kosova Sot Online)