Real Madridi me Vinicius e Benzema në sulm e pret Man City në Bernabeu

  • 26 shkurt 2020 - 19:56
Real Madridi me Vinicius e Benzema në sulm e pret Man City në Bernabeu

Real Madridi e mirëpret Manchester Cityn në kryeqytetin spanjoll për ndeshjen e parë mes tyre në rundin e 16 më të mirëve në Ligën e Kampionëve, në një duel mes dy pretendentëve për trofe.

Skuadra e Zinedine Zidane përballet me disa probleme me lëndime, pasi nuk do të mundë të llogarisë në yllin kryesor të ekipit, Eden Hazard, për takimin e orës 21:00 në Santiago Bernabeu.

Hazard  lëshoi fushën duke çaluar në humbjen tronditëse të Real Madridit kundër Levantes të dielën në LA Liga dhe do të mungojë pothuajse deri në përfundim të sezonit.

Përveç tij, mungon edhe Marco Asensio i lënduar tash e një kohë të gjatë.

Ndërkohë, Pep Guardiola mori lajm të mirë gjatë javës pasi iu rikthyen nga lëndimi Raheem Sterling dhe David Silva.

Por do të mungojë Leroy Sane shkaku i dëmtimit.


(Kosova Sot Online)