Lazio e do Kumbullën
Drejtori sportiv, Igli Tare po bën përpjekje maksimale që gjatë verës që vjen t’i sigurojë shërbimet e qendërmbrojtësit shqiptar të Veronës.
Lazio është mjaft e interesuar për shërbimet e Marash Kumbullës.
Futbollisti shqiptar po shkëlqen në kampionatin italian të futbollit me ekipin aktual, Verona.
Dhe, kjo ka bërë që Napoli t’ia vinte syrin atij pasi i kishte siguruar shërbimet e Amir Rrahmanit.
Mirëpo, në garë për Kumbullën së fundmi është futur edhe Lazio.
Drejtori sportiv i liderit të ri të Serie A, Igli Tare shumë shpejt pritet të takohet me përfaqësuesit e futbollistit, shkruan mediumi italian “Il Messaggero”.
Mbrojtësi i lindur në vitin 2000 është bërë objektiv i klubeve të mëdha, ndërsa flitet se atë e do edhe Juventusi.
Gjatë verës, Kumbulla pritet të largohet nga Verona për t’u transferuar në një klub më të madh, me gjasë në Itali.
(Kosova Sot Online)