Balotelli: “Do të doja të luaja për Napolin, e kam seriozisht”
Sulmuesi i Brescia, Mario Balotelli, dëshiron ta veshë fanellën e Napolit.
Balotelli, në një lidhje live në Instagram nga karantina e tij në Itali, haptazi ka shprehur dëshirën për të luajtur për Napolin, skuadër që e ka dashur gjithmonë.
“Unë u përpoqa”, tha ai gjatë një lidhje në Instagram me Fabio Cannavaro.
“Do të isha shumë i lumtur te Napoli, e kam seriozisht. Do ta bëja vajzën time drejtuese të tifozëve ultras, pasi ajo mbështet Napolin”.
“Unë këndoj ‘Brescia, Brescia’, por ajo ende e mbështet Napolin. Ajo u gëzua kur e çova në San Paolo, ajo u hipnotizua”.
“Gjithmonë është një ndjenjë e bukur të luash atje, megjithëse për mendimin tim stadiumi më i bukur është San Siro”.
(Kosova Sot Online)
