Liverpooli është futur në garë për transferimin e Willianit
Braziliani do të largohet nga Chelsea gjatë verës dhe interesim për të kanë shfaqur edhe Juventusi e Barcelona
Liverpooli është futur në garë për transferimin e Willianit.
Futbollisti brazilian është duke e kaluar vitin e fundit të kontratës me Chelsean dhe pritet të largohet prej aty.
Dhe, e përditshmja spanjolle “Sport” shkruan se kampioni aktual evropian dhe botëror i ka nisur tashmë bisedimet me mesfushorin ofanziv brazilian.
“Reds” janë të gatshëm t’ia ofrojnë atij një kontratë të kënaqshme, gjë të cilën nuk po e bëjnë edhe “Blues”.
Gjithashtu, interesim për Willianin thuhet se kanë shfaqur edhe Juventusi dhe Barcelona.
Përfaqësuesi brazilian është i vendosur të vazhdojë të luajë në futbollin evropian.
Ai ishte njëri prej lojtarëve më të mirë të Premierligës në vitet e fundit.
(Kosova Sot Online)