Capello tregon se si e bëri Ibrahimovicin ‘vrasës’

Capello ka zbuluar se Ibrahimovic në fillim të karrierës nuk ishte i dhënën pas golave

Tekniku Italian, Fabio Capello, ishte i pari që kërkoi afrimin e Zlatan Ibrahimovic nga Ajaxi dhe punoi me të për disa kohë te Juventusi.

Në intervistë dhënë së fundmi, ai ka zbuluar disa detaje interesante nga ditët e para me gjigantin suedez, tani sulmuesin e Milanit.

“Kur erdhi nga Ajaxi, Ibra donte vetëm të argëtohej në fushë dhe shënimi i golit ishte thjesht opsional. Bënte vazhdimisht numra interesantë dhe kënaqej me to, pa e vrarë mendjen nëse topi përfundonte në rrjetë apo jo. Mu desh të bëja të kuptonte rëndësinë e të qenit racional dhe pasi përmirësoi edhe këtë aspekt, u bë kampioni që të gjithë njohim, duke luajtur në nivele të larta edhe sot në moshën 38-vjeçare”, u shpreh Don Fabio.

Ibra e veshi fanellën e Juves dy sezone, bëri 92 paraqitje dhe shënoi 26 gola.

Sot, ai numëron mbi 500 gola në karrierë me klube dhe kombëtare.

(Kosova sot Online)