Klubet e Premierligës, në garë për Coutinhon

Ylli brazilian do të rikthehet përkohësisht në Barcelonë gjatë verës pas eksperiencës njëvjeçare në Bayern Munich. Më pas, Coutinho mund të rikthehet në Premierligë, ku e duan disa klube angleze

Klubet e Premierligës janë futur në garë për transferimin e Philippe Coutinhos.

Ylli brazilian aktualisht është i huazuar në Bayern Munich, ndërsa gjatë verës pritet të rikthehet në Barcelonë.

Gjiganti bavarez nuk është i gatshëm ta paguajë shumën për ta blerë kartonin e ish-futbollistit të Interit, Espanyolit dhe Liverpoolit.

As kampioni aktual spanjoll nuk e ka ndërmend ta mbajë 27 vjeçarin, i cili mund të përfundojë në Angli.

Mediumi spanjoll “Mundo Deportivo” shkruan se interesim për Coutinhon kanë shfaqur klubet angleze, Chelsea, Newcastle, Arsenal, Manchester United dhe Leicester City.

Coutinho e pati një eksperiencë të zbehtë në Camp Nou dhe nuk e ka ndërmend të vazhdojë të luajë me “Blaugrana”.

Ai e njeh mjaft mirë Premierligën, ku kishte luajtur me sukses në Liverpool.

Prandaj, futbollisti ofanziv do ta mirëpriste një tjetër eksperiencë në kampionatin anglez.

(Kosova Sot Online)