“Në asnjë mënyrë” – Man United e kishte dashur Bale për vetëm 3 milionë euro
Manchester Unitedi kishte dështuar ta blinte Gareth Bale për një shumë prej tre apo katër milionë euro, kur anësori uellsian po dilte në sipërfaqe në botën e futbollin me ekipin e Southamptonit, thotë George Burley, trajneri i Bale në atë kohë.
Sir Alex Ferguson ishte vazhdimisht në kërkim të talenteve të rinj gjatë kohës së tij historike në Old Trafford dhe njihet për blerjet e famshme, si Cristiano Ronaldo dhe Wayne Rooney kur ata ishin adoleshentë.
Njëlloj kishte kërkuar të bënte edhe me Bale, i cili doli në skenë në Southampton duke rënë në radarin e shumë ekipeve të mëdha të Premierligës shumë shpejt.
Unitedi ishte i etur ta blinte një talent si Bale, por kishte dështuar për shkak të ofertës, e cila vlerësohej si shumë e ulët nga Southamptoni.
(Kosova Sot Online)