Edhe zyrtarisht Arthur është lojtar i Juventusit

  • E.K /
  • 29 qershor 2020 - 19:05
 Edhe zyrtarisht Arthur është lojtar i Juventusit

Barcelona e ka zyrtarizuar transferimin e Arthur në Juventus.

Përmes një njoftimi në faqen zyrtare, Barcelona ka bërë të situr se kanë arritur marrëveshje me Zonjën e Vjetër për shitjen e Arthur Melo.

“FC Barcelona dhe Juventus FC kanë arritur marrëveshje për transferimin e lojtarit, Arthur Melo. Klubi italian do të paguajë 72 milionë euro, plus 10 të tjera bonuse”.

“Lojtari do të mbetet në Barcelonë deri në fund të sezonit 2019.20”, njofton klubi katalunas.

Arthur u bashkua me Barcelonën në verën e vitit 2018 nga Gremio i Porto Alegres. Mesfushori brazilian deri më tani ka luajtur 72 ndeshje për Barçën: 47 në La Liga, 10 në Kupën e Mbretit, 13 në Ligën e Kampionëve dhe 1 në Superkupën Spanjolle.

Mesfushori brazilian, i cili ka shënuar 4 gola në këto dy sezone në Katalunjë, shënoi golin e tij të parë kundër Osasunas në kampionat.

Arthur fitoi dy trofe me Barçën, La Ligan dhe Superkupën Spanjolle në sezonin 2018/19.

Së shpejti do të vijë edhe njoftimi i blerjes së Miralem Pjanic nga Juve, të cilët shkëmbyen futbollistët.

Boshnjaku pritet të kushtojë 60 milionë euro.

(Kosova Sot Online)