Barcelona, viktimë e një sulmi kibernetik
Mediumet spanjolle raportojnë se Barcelona ka qenë cak i një sulmi kibernetik, që përdori mbi 3000 “bots”, të cilat janë aplikacione sotfuerike të programuara për të kryer detyra të caktuara.
Sulmet e tilla kibernetike bëhen kryesisht me qëllim për ta dëmtuar reputacionin e një personi apo organizate të caktuar përmes komentimeve masive në rrjete sociale.
Sipas të përditshmes spanjolle El Mundo, Deloitte e zbuloi një sulm kibernetik ndaj Barcelonës, që pati të përfshirë 3281 “bots”.
Gjatë këtij sulmi, klubi katalonas raportohet të ketë pësuar disa dëme shkaku i mbi 19 mijë mesazheve të dërguara.
Këto komente e përbënë 12.5 për qind të të gjithë komenteve në rrjetet sociale të klubit katalonas, ndërsa pesë për qind e atyre komenteve ishin të bëra në mënyrë automatike nga disa llogari.
Hetimet e deritanishme tregojnë se ato komente kishin për qëllim shpërndarjen e linqeve drejt uebsajtit “elnacional.cat”, një uebsajt pro pavarësimit të Katalonjës, dhe drejtorit të saj, Jose Antich.
Njëra ndër qëllimet e tjera të këtij sulmi kibernetik ishte të kritikohen drejtorët e Barcelonës, si dhe tifozët të cilët e përkrahin presidentin e klubit, Josep Maria Bartomeun.
Ciberataque independentista al Barcelona: un ejército de 'bots' lanza más de 20.000 impactos negativos en redes sociales https://t.co/Oz4VLiGkgU
— EL MUNDO (@elmundoes) July 23, 2020
(Kosova Sot Online )