‘Këpuca e Artë’, Lewandowski në ethe po e pret finishin e Serie A
Ronaldo dhe Immobile janë rreziku më i madh për Lewandowskin në garën për Këpucën e Artë.
Pas dy vitesh, ‘Këpuca e Artë’ do të ketë një tjetër pronar.
Lionel Messi dështoi të shënojë shumë gola në La Liga, duke e lënë këtë çmim në dorë të të tjerëve.
Robert Lewandowski është favoriti numër një për ta rrëmbyer këtë çmim, pasi sulmuesi i Bayern Munich e ka mbyllur sezonin me 34 gola.
Sido që të jetë, derisa të mbarojë Serie A ai nuk të jetë i qetë pasi çmimi i parë i rëndësishëm në karrierë i rrezikohet nga Cristiano Ronaldo dhe Ciro Immobile.
Që të dy kanë shënuar nga 30 gola në Serie A dhe me tri ndeshje të mbetura në Itali, atëherë çdo gjë është e mundur për ta deri në fund.
(Kosova Sot Online)