Lexoni edhe:
Barcelona do të tentojë sërish për Lautaron, konfirmon presidenti i klubit
Presidenti i Barcelonës, Josep Maria Bartomeu, ka konfirmuar se do të ketë ndryshime rrënjësore në skuadrën katalonase gjatë kësaj vere, në të cilën vendin e sigurt e kanë vetëm shtatë futbollistë.
Pas humbjes turpëruese 8:2 kundër Bayern Munich në çerekfinale të Ligës së Kampionëve, Barcelona e shkarkoi trajnerin Quique Setien dhe drejtorin sportiv Eric Abidal në fillim të kësaj jave.
Në një intervistë për televizionin e klubit, Bartomeu konfirmoi se vetëm Lionel Messi, Marc-Andre ter Stegen, Nelson Semedo, Frenkie de Jong, Clement Lenglet, Ousmane Dembele dhe Antoine Griezmann nuk janë në shitje.
Barcelona do të tentojë sërish për Lautaron, konfirmon presidenti i klubit Lexoni edhe:
“Kush nuk është në shitje? Leo Messi. Ai e di këtë. Ai është lojtari më i mirë në botë”, tha Bartomeu.
“Pastaj Ter Stegen, Semedo, De Jong, Lenglet, Dembele dhe Griezmann”, shtoi ai.
Ansu Fati nuk ishte në listë, por Bartomeu e kishte bërë të qartë në të kaluarën se as adoleshenti i talentuar nuk ka për t’u larguar nga Camp Nou.
Komentet e shefit të klubit katalonas bëjnë që e ardhmja e yjeve si Jordi Alba, Gerard Pique, Sergio Busquets, Ivan Rakitic, Arturo Vidal dhe Luis Suarez të jetë e pasigurt.
(Kosova Sot Online )