Agnelli vs Conte, çfarë ndodhi?

Dramë brenda dhe jashtë fushës në “Allianz Stadium” ku Andrea Agnelli dhe Antonio Conte nuk shkëmbyen gjëra të këndshme.

“Zonja e Vjetër” mori një barazim 0-0 në ndeshjen e dytë gjysmëfinale të ‘Coppa Italia’ në Torino dhe u kualifikua në finale ku do të takohet me fituesin e ndeshjes Atalanta dhe Napoli, raporton Gazeta Express.

Ishte një lojë e tensionuar dhe e gjallë në “Allianz Stadium” me skena dhe dramë brenda dhe jashtë fushës.

Pas vërshëllimes së fundit, presidenti i Juventusit, Andrea Agnelli, u kap nga kamerat duke sharë në drejtim të stolit të Interit, në drejtim të Contes.

Trajneri i Interit reagoi menjëherë dhe gjatë një interviste pas ndeshjes tha: “Unë mendoj se ata [Juventus] duhet të jenë më të sjellshëm. Ata kanë nevojë për më shumë sportivitet dhe respekt për të tjerët”. Megjithatë, më vonë doli se ai (Conte) gjithashtu kishte abuzuar me drejtorët e Juventusit dhe Agnellin duke u treguar atyre gishtin e mesit gjatë rrugës për në tunel në fund të pjesës së parë. 

(Kosova Sot Online )