Sërish dhunë në Superligën e Kosovës

Drenica dhe Arbëria kanë zhvilluar derbin kuqezi, derbi që ishte për luftën për mbijetesë.

Por pas 90 minutave të zjarrta në Skënderaj, kjo ndeshje nuk solli fitues pasi përfundoi me rezultat të barabartë 1-1.

Duke parë presionin e madh për pikë, pas ndeshjes ka pasur edhe fërkime e grushta mes dy skuadrave.

Me të përfunduar ndeshja trajneri i Arbërisë, Arbnor Morina është sulmuar nga vendasit, ku pastaj është shkaktuar tollovi e madhe dhe kishte përleshje mes dy stafeve të skuadrave.

Cak i sulmeve nga vendasit ka qenë edhe mbrojtësi mysafirë i Arbërisë, braziliani Brruno Arabal.

(Kosova Sot Online)