Fonseca takohet me drejtuesit e Romës, pritet shkarkimi i tij

Paulo Fonseca u takua me drejtuesit e Romës këtë mëngjes dhe disa raporte në Itali sugjerojnë se portugezi mund të shkarkohet përpara fundit të sezonit.

Roma qëndron e shtata në tabelën e Serie A dhe grumbulloi vetëm katër pikë në pesë ndeshjet e fundit në Serie A.

Ata gjithashtu pësuan një humbje të turpshme 6-2 në ndeshjen e parë të gjysmëfinales së Ligës së Evropës kundër Manchester United javën e kaluar.

Agjenti i trajnerit Marco Abreu thuhet se mori pjesë në takim së bashku me pronarin e Romës, Dan Friedkin dhe drejtorin menaxhues Tiago Pinto.

Sipas raporteve, mbledhja nuk zgjati as një orë.

Fonseca dhe Roma do të ndahen në fund të sezonit me Maurizio Sarri i cili ka dalë si kandidati kryesor për të marrë detyrën në Stadio Olimpico.

Sidoqoftë, forma e dobët e Romës mund ta çojë klubin të shkarkojë trajnerin portugez përpara fundit të sezonit. 

(Kosova Sot Online)