Gjermania e nis Evropianin pa yllin e Bayernit, mungon në ndeshjen e parë

  • A.P /
  • 10 qershor 2021 - 21:05
Gjermania e nis Evropianin pa yllin e Bayernit, mungon në ndeshjen e parë

Leon Goretzka do të mungojë në ndeshjen e parë për Gjermaninë në “Euro 2020”.

Konfirmimi erdhi nga drejtori sportiv i Federatës Gjermane të Futbollit, Oliver Bierhoff.

Mesfushori i Bayern Munich ka probleme muskulore, nga i cili nuk mund të riaftësohet në kohë për sfidën me Francën që zhvillohet me 15 qershor.

“Leon Goretzka mund të stërvitet me ekipin, por nuk do të jetë në dispozicion për ndeshjen e parë”,  shpjegoi Bierhoff.

“Ai është një lojtar tepër i rëndësishëm dhe jam i sigurt se do të luajë një rol jetik për ne në ndeshjet e tjera të Europianit”.

Sfida mes Gjermanisë dhe Francës do të zhvillohet në stadiumin e Bayern Munich, në “Alliaz Arena”, me 15 qershor nga ora 21:00.


(Kosova Sot Online)