Franca fiton kundër Finlandës, shkëlqen Griezmann me dy gola

Franca ka mundur sonte me rezultat 2-0 Finlandën për ta bërë një hap të madh drejt kualifikimit në Katar 2022. Griezmann (25, 54) shënoi të dy gola për Francën duke bërë që kampionët e botës të jenë shumë më afër kualifikimit në Botëror tani

Franca ka kryer punën sonte në Lyon duke e mposhtur Finlandën me rezultat 2-0.

Franca e nisi më mirë këtë ndeshje dhe ishin me të qetë në aksionet e tyre derisa  bllokuan finlandezët në shumicën e reparteve të fushës.

Goli i parë për Francën do të vinte në minutën e 25-të dhe ishte një gol i bukur i Griezmann me të majtën e tij. Atë e asistoi sulmuesi i Real Madridit, Karim Benzema.

Pjesa e parë do të përfundonte me këtë rezultat minimal të francezëve.

Në pjesën e dytë Franca ishin përsëri më të mirë se Finlanda.

Por, protagonist ishte përsëri sulmuesi i njohur francez Antoine Griezmann.

Ai do të shënonte përsëri, kësaj radhe i asistuar nga Dubois për golin e dytë personal në këtë ndeshje në minutën e 54-të.

Franca deri në fund të ndeshjes pati edhe disa raste për shënim por që nuk i shfrytëzoi si duhet.

Pas kësaj fitoreje, Franca renditet e para në Grupin D me 12 pikë, 7 më shumë se Ukraina dhe Finlanda që kanë nga 5.

Francës i duhet që të mos gabojë edhe në dy ndeshjet e mbetura dhe të kualifikohet tutje në Katar 2022. Kujtojmë se Franca ka edhe dy ndeshje për të zhvilluar derisa Finlanda që ka 5 pikë edhe katër të tilla. Në rast se fiton në katër ndeshje ata do të arrinin që t’i shkaktonin kokëçarje francezëve.

Në lojë po ashtu është edhe Bosnje Hercegovina që po ashtu ka edhe katër ndeshje për të zhvilluar.

(Kosova Sot Online)