Granit Xhaka 3 muaj jashtë fushës shkaku i lëndimit, konfirmon Arsenali

Mesfushori i Arsenalit, Granit Xhaka, do të mungojë tre muaj për shkak të një lëndimi në gju që e pësoi të dielën në fitoren e skuadrës së tij kundër Tottenhamit në derbin e Londrës Veriore.

Arsenali njoftoi të enjten se mesfushori shqiptar i Zvicrës e ka pësuar një lëndim të rëndë në ligamentin e gjurit. 

Xhaka u detyrua ta lërë fushën e lojës në minutën e 82-të në fitoren e Arsenalit 3:1 kundër Tottenhamit në Emirates.

Lexoni edhe:

Escobar takohet në Bruksel me Bislimin e Petkoviqin: Tensionet duhet të ulen menjëherë

“Të gjithë në klub do ta mbështesin dhe do të punojnë fort me Granitin tani, për t’i ndihmuar atij të rikthehet në fushë sa më shpejt që është e mundur”, thuhet në njoftimin e Arsenalit.

Reklamë

Ndeshja ndaj rivalit të qytetit londinez ishte e para për Xhakën pas një mungesë disa javëshe si pasojë e kartonit të kuq dhe infektimit me koronavirus.

(Kosova Sot Online )