Handanovic e Perisic duhet të ulin pagat për të qëndruar në Inter

Drejtuesit e Interit do të takohen së shpejti me Samir Handanovic dhe Ivan Perisic për të diskutuar zgjatjen e kontratave të tyre, por sipas raportimeve në Itali, të dy lojtarët duhet të pranojnë një ulje page për të qëndruar në San Siro.

Nerazzurrët së fundmi kanë rinovuar me Lautaro Martinez, Alessandro Bastoni, Nicolò Barella dhe Federico Dimarco.

Marcelo Brozovic duhet të jetë i radhës. Sipas raporteve të shumta në Itali, kroati ka arritur një marrëveshje për një kontratë të re deri në vitin 2026.

Kontrata e tij aktuale skadon në qershor dhe e njëjta gjë vlen edhe për ato të Samir Handanovic dhe Ivan Perisic.

Interi së shpejti do të njoftojë nënshkrimin e portierit të Ajax, Andre Onana si lojtar i lirë për verën, por shpreson që Handanovic të qëndrojë në Stadio Meazza deri në vitin 2023 për të ndihmuar Onanën të ambientohet.

Sipas Calciomercato, portierit veteran do t’i ofrohet një ulje e konsiderueshme e pagës dhe e njëjta strategji do të përdoret me Perisic.

Reprezentuesi kroat nuk dëshiron të fitojë më pak se 5.5 milionë euro aktuale, por Interi duket se nuk ka gjasa të ofrojë më shumë se 3.5 milionë euro në sezon.

Gjigantët e Serie A kanë nënshkruar tashmë një zëvendësues të mundshëm për Perisic, pasi mirëpritën Robin Gosens nga Atalanta në janar.

Perisic ndoshta do të marrë kohë dhe Nerazzurrët nuk janë në nxitim për të ditur vendimin e tij përfundimtar. 

(Kosova Sot Online)