Muriqi e jep një premtim të madh për tifozët

Vedat Muriqi është i vendosur ta shpëtojë Mallorcën pa rënë nga La Liga. Sulmuesi kosovar ishte protagonist edhe dje, në xhiron e parafundit të sezonit, duke shënuar në fitoren 2:1 ndaj Rayo Vallecanos. Prizrenasi realizoi në minutën e 13-të, por ekipi ishullor e gjeti fitoren vetëm në minutat shtesë falë golit të Prats.

E përfaqësuesi kosovar ka kërkuar nga bashkëlojtarët që ta japin së bashku edhe atomin e fundit për ta arritur objektivin – mbetjen në La Liga.

Lexoni edhe:

Lidhja kriminale e Edi Ramës me Aleksandër Vuçiqin turpëron parlamentin shqiptar, 51 deputetët socialist votuan kundër dënimit të gjenocidit serb në Srebrenicë

“Të shkojmë të luftojmë deri në fund”, ka shkruar “Pirati” në rrjetet sociale.

Ai arriti në kuotën e 5 golave në La Liga që prej transferimit të tij në formë huazimi në janar nga Lazio.

Edhe pse Mallorca ka vendosur të mos e blejë kartonin e ish-futbollistit të Rizesporit e Fenerbahçes, Muriqi synon të dalë nga ky ekip si hero,

Aktualisht Mallorca gjendet në vendin e 18-të, i cili çon në një ligë më të ulët, por i ka pikët e njëjta me Cadizin dhe e ka një pikë më pak se Granada.

Xhiron e fundit të sezonit, Mallorca do ta zhvillojë me Osasunën në udhëtim. 

(Kosova Sot Online )