Lexoni edhe:
500 milionë euro, asnjë cent më pak- Shuma që e kërkon Fury të përballet me Usyk
Hidhet shorti për edicionin e ri në basketboll
Në zyrat qendrore të Federatës së Basketbollit të Kosovës sot është hedhur shorti për edicionin e ri të Superligës së meshkujve, Superligës së femrave, Liga e Parë në dy kategoritë si dhe Liga e Dytë për edicionin 2022/23.
Superliga qysh në xhiron e parë pritet të fillojë me super ndeshje, mes dy rivalëve të vjetër Sigal Prishtina dhe Peja, kurse ndeshjet e tjera të xhiros së parë do të jenë Trepça-Ponte Prizreni, Bashkimi-Vëllaznimi dhe Rahoveci-Golden Eagle Ylli. Këto ndeshje do të zhvillohen mes datave 10 dhe 11 shtator.
Tek Superliga e Femrave, Prishtina pret Vëllaznimin, Treçpa-United Basketball, kurse Bashkimi-Penza pritet të jete ndeshja më interesante e kësaj xhiroje. Ndeshjet e para në elitën e basketbollit të femrave do të zhvillohen më 15 dhe 16 tetor.
Liga e Parë e Meshkujve ka sjellur këto përballje në javën e parë: Drita-Prishtina e Re, Istogu-Bora, Happy Dukagjini-Gjakova re Re, New Basket- Marigona Hill Prishtina dhe Borea- Vushtrria. Ndeshjet zhvillohen në datat 15/16 tetor.
Ndërkohë, Liga e Parë e Femrave ka sjellur këto çifte Istogu-Kastrioti, Drita WBC Bashkimi, AA Prishtina-Vushtria Basket, Gjimnazisti-Peja 03. Ndeshjet e kësaj xhiroje zhvillohen në datat 15-16 tetor.
Liga e Dytë e Meshkujve zhvillon ndeshjet e para mes datave 15-16 tetor, kurse ndeshja hapëse në këtë ligë është mes Kaçaniku dhe MegaSport. Takimet tjera janë Sfera-Llapi, Kosovari-Vitia06 dhe ndeshja e fundit Gjakova-Lipjani.
(Kosova Sot Online )
