Juventusi konfirmon se po largohet nga projekti i Superligës

Pas raportimeve të shumta, Juventusi tani ka lëshuar një deklaratë duke konfirmuar se po largohet nga projekti i Superligës Evropiane, ku kanë mbetur vetëm Real Madrid dhe Barcelona.

Klubi italian gjithashtu ka mohuar se ka marrë ndonjë paralajmërim nga UEFA, për përjashtim të mundshëm nga garat evropiane

“Për sa i përket thashethemeve që u shfaqën në shtypin e sotëm, Juventus Football Club SpA informon se ka transmetuar një komunikim për dy klubet e mbetura që, si Juventus, nuk kanë ushtruar tërheqjen e tyre nga projekti i Superligë (Barcelona dhe Real Madrid) për të inicuar një periudhë diskutimi midis tre klubeve në lidhje me daljen e mundshme të Juventusit nga Projekti i Superligës”, thuhet në njoftim.

Njoftimi i klubit nga Torino vazhdon: “Kompania do të vazhdojë me çdo komunikim të duhur sipas ligjit pas përfundimit të bashkëbisedimeve dhe vlerësimeve duke sqaruar se shumë prej versioneve të rindërtuara të publikuara nga mediat në lidhje me përmbajtjen e komunikimit (duke përfshirë çdo referencë për kërcënimet e supozuara të mundshme sanksionet nga UEFA) nuk janë të vërteta. Për më shumë informacion mbi Projektin e Superligës, ju lutemi referojuni njoftimeve për shtyp të lëshuara nga Kompania më 19 Prill dhe 21 Prill 2021”.

Real Madridi dhe Barcelona tani mbeten të vetmet klube të interesuara për krijimin e kësaj lige.

Juventusi ishte një prej klubeve kryesore që e mbështeti idenë për krijimin e Superligës Evropiane. 

(Kosova Sot Online)