Tifozët e zjarrtë në 'Air Albania': Krejt i kënduan Adem Jasharit
Të shtunën mbrëma, Kombëtarja e Shqipërisë regjistroi fitoren e parë në kualifikimet për Kampionatin Evropian “Euro 2024”.
Të përzgjedhurit e Sylvinhos triumfuan ndaj Moldavisë me rezultatin 2:0.
Jasir Asani (52’) dhe Nedim Bajrami (76’) shënuan golat e fitores për Kombëtaren shqiptare.
Atmosfera ishte fantastike në “Air Albania”, teksa duhet përmendur se stadiumi ishte i stërmbushur pasi ishin shitur të gjitha biletat.
As mbrëmë nuk munguan thirrjet e këngët patriotike. “Tifozat Kuq e Zi” kënduan këngën e njohur të Shkurte Fejzës, “Mora Fjalë”, e cila i dedikohet komandantit legjendar, Adem Jashari.
Krahas videos së publikuar, “TKZ” shkroi: “Mitrovica zemra e Shqipërisë”.
(Kosova Sot Online)
