Lexoni edhe:
Barcelona me 40 milionë euro në dispozicion për ti trajtuar problemet në skuadër
Bellingham ofendoi në mënyrë skandaloze Greenwoodin gjatë ndeshjes, u raportua në La Liga
Lojtarët e Real Madridit festuan një fitore të vlefshme 2-0 ndaj Getafes në kuadër të xhiros së 20-të të La Ligës, por lëvizja skandaloze e Jude Bellingham ishte në qendër të vëmendjes pas ndeshjes, transmeton "Kosova Sot Online ".
Kamerat kapën detajin kur lojtari më i mirë i Real Madridit e quajti “përdhunues” ish-lojtarin e Manchester United pas një dueli të padëmshëm me Mason Greenwood. Pas vërshëllimës së fundit, Cadena SER raporton se Getafe u kërkoi delegatëve të La Ligës që shkeljen e Bellinghamit ta përfshinin në raportin zyrtar të ndeshjes, gjë që më pas mund të hapë një hetim për incidentin. Bellingham, nëse akuzohet dhe shpallet fajtor nga La Liga, mund të përballet me një pezullim të mundshëm, megjithëse ende nuk dihet nëse do të fillojë procedura.
Greenwood u transferua në Spanjë në afatin e verës pasi United kreu një hetim të brendshëm dhe arriti në përfundimin se 22-vjeçari duhet të ringjallë karrierën e tij diku tjetër. Anglezi ia doli shumë mirë me fanellën e Getafes, pasi përjetoi një agoni të vërtetë për shkak të akuzave për tentativë përdhunimi, kontrolli, sjellje të dhunshme dhe dëmtime fizike ndaj të dashurës së tij në atë kohë.
Greenwood u pezullua nga Djajtë e Kuq më 30 janar 2022 dhe u lirua nga të gjitha akuzat në shkurt 2023 pasi një dëshmitar kyç i prokurorisë u tërhoq.
(Kosova Sot Online )
