Ballkani mposhtet nga Larne

Fundi ishte fatal për kampionin e Kosovës, Ballkanin.

Suharekasit pësuan humbje minimale 0:1 në “Fadil Vokrri” ndaj kampionit të Irlandës Veriore, Larne.

Kjo përballje është e vlefshme për rrethin e tretë kualifikues në Ligën e Konferencës.

Goli i vetëm i takimit u shënua në minutën e 89-të.

Ishte Donnelly i cili realizoi gol që i dha fitoren ekipit të tij.

Dueli i kthimit zhvillohet pas një jave dhe Ballkani do të ketë mision të vështirë për t’u kualifikuar tutje.

Kujtojmë se në dy sezonet e fundit, Ballkani ka arritur të kualifikohet në fazën e grupeve të Ligës së Konferencës.

(Kosova Sot Online)